Gafa le...seo giota as dán le Vitaly Kovalchuk a chaith seal linn le déanaí

21Sep

Gafa le...seo giota as dán le Vitaly Kovalchuk a chaith seal linn le déanaí

Gafa

le Vitaly Kovalchuk ó Ghaeltacht Mhoscó

Táim gafa ag ceo

Ar  Oileán Chléire.

Cá bhfuil an Seanteach Solais,

An Dún is Loch Ioral?

Ní fheicim an bóthar,                    

Gan súil Ard na Gaoithe a aimsiú.

Braithim gur ceomhar

Mo chroí ‘s m’intinn.

Níl ionam ‘s orm ach an ceo.

Táim gafa ag Gaelainn

Ar  Oileán Chléire.

Teanga bheo bhlasta

Is ise le cloisint

Ó mhuintir na háite,

Gan fhadhb agam iad a thuiscint.

Táim cinnte go mairfidh

An Ghaeltacht ar Chléire,

Ní rachaidh sí riamh i léig!

Táim gafa ag cairdeas

Ar  Oileán Chléire.

- Ó, seo é an Rúiseach

Le Gaeilge Dhuibhneach -

A chloisim i gcónaí,

Gan deis pionta eile a sheachaint.

Is breá liom an fháilte

A fhaighim san áit seo.

Ní mise ach cuid den chuideachta.

Táim gafa ag cóisir

Ar Oileán Chléire.

Breithlá a cheiliúradh

Is fáilte roimh éinne.

Tá an chraic i gClub Chléire

Saor ón sotal ach lán de chairdiúlacht.

Is dóigh liom gur chaitheas

Mo shaol ar an Oileán seo.

Níl ionam ach craic is spraoí Chléireach!

Book Accommodation Now!

LEAVE A COMMENT

CAPTCHA
This question is for testing whether or not you are a human visitor and to prevent automated spam submissions.